|
||||||||||||
|
...........................Incantesimu.................................. Mi piaci quand'è ssira pe mmu staju, subb'o spunduni, sulu, pe guardari, u suli chi tramunda supr'o mari, e no mmi veni vogghi'o mindi vaju.
Na varca pass'ammenzu a cchiju stillatu, c'arriva mu si lig'a pizzapundi. e guard'u mari, chiju ricamu d'undi, e gghiani restu, comu nu ncamatu.
Tramundu d'oru du paisi mio, ca di n'artista pari pitturatu. tramundu fatt'a desideriu i ddio, pemmu ti guardu e mmu restu ncantatu. .................................................................. No mmi staccati da sta barcunata, vogghiu restari ancor'a stu spunduni, facitimi godiri sta sirata, chistu tramundu ca no scordu cchiuni. Mario Palmieri |
| |||||||||||||
